كيفكم مع الاجواء الباريسية والامطار♥؟ p:
سبحان مغير الاحوال♥♥ منجد المطر يسعدني وحتى ريحته بس تغمرني بالسعادة
اللهم صيبا نافعا♥ اللهم حولينا ولا علينا♥
اللهم زد وبارك♥♥
سبحان مغير الاحوال♥♥ منجد المطر يسعدني وحتى ريحته بس تغمرني بالسعادة
اللهم صيبا نافعا♥ اللهم حولينا ولا علينا♥
اللهم زد وبارك♥♥
اليوم حوريكم مفضلاتي في شهر اكتوبر
وراح اتكلم عن كل منتج
من ناحية الايجابيات او السلبيات او السعر..الخ
من ناحية الايجابيات او السلبيات او السعر..الخ
بسم الله يلا نبدأ
-الميك اب
كنت دايما استخدم مسكرة the rocket volume (لونها ازرق نيلي)
من مايبلين ومرتاحة عليها بس قلت خليني اجرب مسكرات ثانين ممكن الاقي وحدة تعجبني وكنت ابغا كثافة اكثر
فجربت من بورجوا
VOLUMIZER ultra black
وجدا جدا عجبتني
تحتوي فرشتين بس في فرشة وحدة
واكتشفت انو في نوعين من دي المسكرة في نوع بدال الكتابة الذهبية يكون لونها بنك بس سوادها مو مرة داكن،، اما الي عندي (ذهبي) سوادها اغمق
ممكن تستخدميها بطريقتين
1-اذا تبي لوك جدا طبيعي استخدمي فقط الفرشة رقم واحد
ما تاخد كثير من المنتج ورموشك راح تبان طبيعية
2-اذا ما تبي لوك خفيف
ممكن تستخدمي الاثنين مع بعض مرة وحدة او لتغطية احسن استخدمي الفرشة رقم واحد بعدها الفرشة رقم اثنين
ايجابياتها انو سعرها رخيص بالنسبة لجودتها العالية
مني متذكرة سعرها بالظبت بس اظن حوالي 70
سلبياتها احيانا تتكتل مو كل وحدة ممكن تعرف لها علطول
في مرة جربت زي ما فهمت من الشرح بس لاحظت لمن ارجع/ادخل الفرشة رقم واحد عشان احط الطبقة الثانية (فرشة رقم اثنين) المسكرة تتكتل على الفرشة.. ان شاء الله فهمتو
اي شادوcomfort zone 738 من ويت اند وايلد
اول مرة اجرب ميك اب من ويت اند وايلد
انصحكم تجيبو اي شي من ويت اند وايلد
اولا الالوان جدا جدا جميلة
ثانيا الالوان علطوولل تطلع معاكي الpigment عالي وجميللل
ثالثا اسعار هادي المركة جدا جييدة ورخيصة بالنسبة لجودتها الممتازة!
للاسف الماركة غير متوفرة عندنا بالسعودية طلبتو اونلاين
وروج cherry bomb من ويت اند وايلد
اولا اللون.. مو بس جميللل
للاسف الي ما عجبني فيه ان ثباته مو عالي حتى لو بعد فترة بالغلط مسكتي شفايفك تلاقيه طبع على يدك
شكل الروج الخارجي جميل لكن عيبه انه لمن تلفي العلبة عشان الروج يرجع لجوا في جزء من برة ما يدخل فلمن تفتحي العلبة احيانا الغطا يجي فالروج وينشال جزء منه ويتوسخ الغطا
لكن اللون الجميل يخليني انسى المشاكل هادي
روج من make-up studio
اظن اغلبكم ما يعرف عن دي الماركة لكنها جدا كويسة
اخذت الروج الجميل دا من مندوبة بشركة انشيال
لونه 17 ومات/مطفي (بدون لمعة)
ب 105 يعتبر غالي لكنه ممتاز
وطبعا عشقي الاول والاخير
baby lips!!! من مايبلين
بالصدفة لقيتهم نزلو عندنا كولكشن electric!!
اخذته من سنتربوينت
سعره 15
وطبعا الوانها اقوى من العادية وجدا حبيتها
للي ما يعرف هو عبارة عن مرطب بتنت(لون)
-----------------
مناكير
من ريفيلون جبت مناكير اسمه chic رقم
لون مهو فاتح عشان كدا عجبني
اعشق الوان الخريف فقط
اسمه midnight
لونه جداا جميل
سعره يمكن 23
------------------
فرش الميك اب
فرش ريل تكنيك
جبتها من وايتس في جدة (صاري- بجانب مكتبة جرير)
مرة انبسطت انهم موفرين فرش ريل تكنيك
لكني لاحظت شي غريب شوية استفزني،، انه كل الفرش سعرهم عادي الاصلي ماعدا مجموعة الوجه مغلينها ب100 ريال!! يعني سعرها ب210 ريال!! كنت متحمسة اول ما شفتها وما اهتميت بس ياريتني اشتريتها من انستقرام بسعرها الاصلي 110
حسبي الله على العموم الحمدلله واخيرا جبتها
كنت احسب حجمها اكبر بكثير
الفرشة هادي جدا جدا كويسة انا جبتها لدمج الشادو بس ابا اجربها ووقعت بحبها
والحجم ممتاز جدا لتحديد الانف (كونتور)
الشعيرات بلاستك بس نهايتها شعر وجدا ممتازة
وكمان سعرها جداا جييد على ما اظن 29
-------------
منتجات الشعر
ماسك ماكاديميا
منتجات ماكاديميا غنية بالتعريف
ومعروف انها جدا ممتازة للشعر لانها غنية بزيت الماكاديميا وزيت الارقان المعروف ب(الذهب السائل) في المغرب
جدا عجبني ومرتاحتله راح انزل ريفيو عنه او عن منتجات ماكاديميا عامةً ان شاء الله
جيد للشعر المصبوغ
يحمي الشعر ويفعمه بالحيوية واللمعان
انصحكم فيه،، كل شعر يختلف عن الثاني يعني ممكن ما يناسب الكل
سعره 105
فير جوسي ايبير
من اول نفسي فيييييه وما صدقت لمن وفروه بجدة
موجود كشك صغير في مجمع العرب
وموجود كمان في وايتس بهيفاء مول
..هذي الاماكن الي اعرف انه فيها جوسي..
جدا جدا جميييل
بسرعة يسخن
وسهل الاستخدام لان الخصلة تتكون لفتها بسرعة وتجلس ماسكة نفسها
ولونه بنك
سعره 350
ويجي معاه ضمان لمدة سنة
--------------
شمعة من باث اند بودي وركس
اسمها champagne toast
ريحتها تجنننننن وطبعا معروف انو باث اند بودي عندهم شمعات تجنن ريحتها.. وكل شي عندهم تجنن ريحته
للاسف جبتها من امريكا ما اعرف لو في زيها هنا
الي عندنا (الحجم الصغير) تقريبا ب35
--------------
ملابس
الكيمونو
عشششق صرت لمن اشوف اي كيمونو فالسوق لازم لازم اشتريه
من بيرشيكا
الشي الوحيد الي مو مرة عجبني وما لاحظته انو كمه شوية قصير هوا يبين الكوع شويية وكان نفسي يكون اطول بشوية من الكوع
الي يعجبني في الكيمونوز انك مثلا لو لابسة بنطلون او جينز وتي شيرت عادي ممكن تحطي عليهم كيمونو وسلسله طويلة او كبيرة وكدا تكوني بحركة بسيطة غيرتي اللبس وبتكوني بقمة الاناقة
وكيمونو ثاني برضو من بيرشيكا لكنه صوف
تنورة من زارا
جدا جدا عجبتني الحركة الي فوق مرة اليقنت
وطولها مناسب وجميل
وفي لون ثاني بدال البنك ابيض
هادي البلوزة الجميلة من اتش اند ام
الببلوم احس قصة جميلة جدا
جدا اليقنت وانثوية
الي جذبني لونها وقصتها والحركة الي من فوق كل شي فيها يجنن
ممكن تلبسيها مع تنورة سودة قصيرة ماسكة وسلسلة كبيرة بارزة وشكلك مرة حيكون انيق
او حتى ممكن مع بنطلون اسود او جينز وبرضه حيكون شكلك جميل
جزمة تومز
انا مرة احب التومز مريحة وعملية وحلوة
وتنفع لكل يوم فالدوام انا صرت البسها كل يوم فالمدرسة فمعليش عشان كدا موسخة ومقطعة ومسكينة والكلام ممسوح من جوا
لكن للاسف موجودة بس في امريكا او خارجها بس مو فدول عربية على ما اظن
احلى شي انهم عاملين زي حملة انه كل ما تشتري جزمة من عندهم يتبرعوا بجزمة للاطفال المحتاجين
فكرة جدا جدا جميلة وتدل على الانسانية
---------
وسلامتكم
اتمنى ما طولت عليكم واتمنى عجبك البوست
اذا عجبك لا تنسي الشير
واكتبيلي ايش الشيء الي كنتي تستخدميه او تلبسيه بكثرة فشهر اكتوبر
وفتحت اكاونت انستقرام
لا تنسوا تتابعوني عشان تعرفو جديدي من هناك
ليست هناك تعليقات:
إرسال تعليق